ئه‌توانی گه‌لێ هۆکاری تر بدۆزینه‌وه‌ که‌ بۆچی له کوردستان ئه‌و عه‌شقه‌ نییه قۆناغه‌کانی فلم

دووه‌م چه‌ند بڕینێک ده‌کات به‌بێ ئه‌وه‌ی بزانێ هۆکاره‌کان چییه?

یه‌که‌م- به‌ڕێوه‌به‌رێتی سینه‌ما    سه‌ربه‌ وه‌زاره‌تی ڕۆشنبیری به‌رپرسیاری یه‌که‌م. ئه‌وان بودجه‌ی زۆربه‌ی فلمه‌کانی کوردستان دابین ده‌که‌ن. که‌کارێکی زۆرباشه ‌له‌به‌ر ئه‌وه‌ی کۆمپانیای به‌رهه‌مهێنانی فلم نییه ‌ئه‌مان ئه‌م کاره‌ده‌که‌ن. به‌ڵام ئه‌توانرێ ئه‌و به‌رهه‌مانه ‌به‌رهه‌م بهێنن که ‌ده‌رهێنه‌ره‌که‌یان به‌شێوه‌ی پرۆفیشناڵ کارده‌کات.

به‌جۆری وه‌زاره‌تی خوێندنی باڵا به‌سه‌ده‌ها خوێندکاری ڕه‌وانه‌ی ده‌ره‌وه‌ کردوه ‌به‌ڵام له کاری فلم دائه‌توانم بڵێم به ته‌نها چه‌ند که‌سێك که له په‌نجه‌کانی ده‌ست که‌مترن.

له‌وانه‌یه وه‌زاره‌تیش وه‌ڵامی بۆ پێشنیاره‌که‌ی من هه‌بێ.

ڕاسته‌ وه‌زاره‌تی ڕۆشنبیری له‌م بواره‌دا کاری کردوه. گروپێکی شانۆکاری له شاری هه‌ولێر نارد بۆ میسر بۆ خوێندنی سکرێپت و دراما ئه‌وه‌نده‌ی من ئاگاداربم تاکو ئێستا یه‌کێکیان له‌بواری سکرێپتا کارناکات، بڕوانه ‌ڕۆژنامه‌ی خه‌بات ژماره2173 ڕێکه‌وتی 13-06-2006 ئه‌مه‌بێ پلانی وه‌زاره‌تی ڕۆشنبیریه، پاره ‌به ‌فیڕۆچونه.

نمونه‌یه‌کی تر له ئه‌کادیمیای فلم له له‌نده‌ن کوڕێکم ناسی  به‌ناوی هه‌یسه‌م ئه‌م کوڕه‌ خه‌ڵکی شاری به‌غداد بوو هه‌یسه‌م کاری له‌گه‌ڵ ئه‌مریکیه‌کان کردبوو زانیبوویان حه‌زی له‌کاری فلمه‌ ناردبویان بۆ خوێندن بۆ له‌نده‌ن تاکو خوێندنی فلم له‌و ئه‌کادیمیایه ‌ته‌واو بکات له‌سه‌ر بودجه‌ی ئه‌مریکیه‌کان. له‌م چه‌ند ساڵه‌ی دواییدا به‌ملیۆنه‌ها دۆلار سه‌رفکرا بۆ به‌رهه‌مه‌ێنانی چه‌ند فلمێک که‌کارێکی پیرۆزه‌و ده‌ست خۆشیتان لێده‌که‌ین. به‌پاره‌ی ته‌نها یه‌ك فلم له بودجه‌ی وه‌زاره‌ت ئه‌توانرا چه‌ند که‌سێ بڕوانامه‌ی فلمسازی وه‌رگرێ.

ئه‌وه‌نده‌ی من ئاگادارم تاکو ئێستاش(کرو)crowواته‌ستافی پشتی کامێرا له ئێرانه‌وه‌ ئه‌هێنن باشه‌پرسیاره‌که‌ ئه‌وه‌یه‌ تاکو که‌ی ناتوانرێ ستافێکی فلمسازی دروست بکرێ. چونکه‌ ئه‌کادیمیای فلمی هه‌ولێریش ناتوانێ (کرو)فلمسازی دروست بکات. مه‌به‌ستم کامێرای16ملم و35ملمه.

گرفتی فلمسازی کورد ئه‌وه‌یه‌ ناتوانێ به‌قۆناغی به‌رهه‌مهێناندا بڕوات.

هاوڕێم ئه‌گه‌ر ئه‌ته‌وێ ببیته‌ده‌رهێنه‌رێکی باش په‌لاماری فلمی درێژ مه‌ده یان کورته ‌فلم مه‌ده چی بکه‌ین باشه؟   ئه‌توانی به‌بێ پاره فلم بکه‌ی و به‌شداری ڤیستیڤاڵه گه‌وره‌کانی دنیا بکه‌ی.چۆن؟      بیرۆکه‌ی فلم(شا)یی فلمه....که ‌بیرۆکه‌که‌ت سه‌رنجڕاکێش بێت واته قولاپی بینه‌ر بکات قوڵیه‌ك له‌ بیرکردنه‌وه‌دا بێت.

هه‌وڵبده کاره‌که‌ت له یه‌ك ده‌قه بۆ دوو ده‌قه زیاتر نه‌بێ ئه‌و بیرۆکه‌یه ‌بنوسه‌ره‌وه، ئاماده‌ی بکه‌ بۆ سکرین ، ستۆری بۆردی بۆبکه تاکو ئێره‌کاری ته‌نهایی خۆته کاره‌که‌ت ته‌نها له‌سه‌ر کاغه‌زه....وێنه‌گرتنه‌که‌شت به‌کامێرای خۆت بێت یان کامێرایه‌ک له هاوڕێکه‌ت قه‌رزبکه خۆت وێنه‌گری به‌رهه‌مه‌که‌ بیت.

بۆ ئه‌کته‌ریش هه‌وڵ بده ‌له هاوڕێ و که‌سه ‌نزیکه‌کانی خۆت ئاماده‌ی بکه‌ی .
که‌ وێنه‌گرتن ته‌واو بوو به‌ کۆمپیوته‌ره‌که‌ی خۆت ئێدیتنی بکه(مۆنتاژ) بیر له مۆسیقای ئاماده‌کراویش بکه‌ره‌وه. به‌رهه‌مه‌که‌ت ته‌واو بوو بودجه‌شی نه‌بوو  بوویته خاوه‌نی کورته‌ فیلمێک ئه‌توانی به‌شداری گه‌وره‌ترین ڤیستیڤاڵی جیهانی پێبکه‌ی  هه‌رگیز بیر له‌کوالیتی به‌رهه‌مه‌که‌ت مه‌که‌ره‌وه‌ چونکه کاری سه‌رکه‌وتوو گرنگ نییه ‌به‌چی به‌رهه‌م هاتووه

زۆرفلمی کوردی کوالیتی باش نییه‌ به‌ڵام تاکو ئه‌مڕۆش شوێنی خۆیان له‌دڵی بینه‌ردا کردۆته‌وه. ئه‌توانی سه‌یری ئه‌م ماڵپه‌ڕه‌ بکه‌ی بۆ سه‌یری کاری چه‌ند سانییه‌و ده‌قه‌یی بزانه‌ به‌چه‌ند که‌س کاره‌که‌کراوهbbc.co.uk/film