رونکردنەوەیەک بۆ مەسعودی هاوڕێم و شانۆکارانی کورد. هاوڕێیان وابزانم پێویستە ئەوە بزانن کە کورد لە ساڵی 2004 ەوە ئەندامی هاوکاری ITI و لە کۆنگرەی 32 ی پەیمانگەی نێودەوڵەتی شانۆ لە مەدرید وەفدی کورد بە فەرمی بەشداری کرد. بەڵام لەبەر ئەوەی ئەم ئەندامێتییە لە لایەن گروپێکی بێلایەن و بێپشتەوە بەدەست هاتوە "کاربەدەستان و بڕیاربەدەستان" خۆیانی لێ گێل ئەکەن. دەیان جار داوای ئەوەمان کردوە کە ئەو ئەندامێتییە چالاکتر بکرێت و داوامان لە ب. شانۆ لە سلێمانی بۆ ب. گشتی رۆشنبیری و هونەر و تا وەزیری پێشوی رۆشنبیری کە نەهێڵن ئەو ئەندامێتییە بمرێت، بەڵام هیچ وەڵامێکمان دەست نەکەوت. لە توانای ئێمەشدا نەبو هەمو شانۆکاران کۆبکەینەوە! لەو کۆنفرانسی شانۆیەدا کە تیپی سالار رێکیخستبو مەسەلەی ئەم ئەندامێتییەمان خستەوەڕو و دیسان بانگەشەی هەمو شانۆکارانمان کرد بۆ ئەوەی سود لەو هەنگاوە وەربگرن ئەوەشمان خستە بەرچاو کە ئێمە تا ئەو کاتە کارەکانمان رایی کردوە و بە سوپاسەوە ئەو ئەرکە بە کەسانی تر ئەسپێرین. سوربونی "بڕیاربەدەستان" لەسەر داخستنی هەمو دەرگاکان بە روی ITI ی کوردی، ئێمەی کردە ناچالاکترین ئەندامی هاوکاری ITI. ئەم ساڵ بە فەرمی وەک هەر ئەندامێکی تر بانگ‌هێشتکرابوین بۆ کۆنگرەی 33 بەڵام نەچوین. لەبەر ئەوەی لەو راستییە تێگەیشتوین کە "بڕیاربەدەستان" ئەندامێتییەکیان ناوێت لە سلێمانیەوە و لە لایەن گروپێکی سەربەخۆوە بەدەستهاتبێت.