دوای‌ ئەوەی هونەرمەندی لاو(رێکان ئەحمەد) توانی‌ بۆیەکەمجار لە بواری‌ سینەمادا وەک دەرهێنەرێک کار بکات و کورتە فیلمێک بەرهەم بێنێت لەژێر ناوی‌(لە ئینجانەدا) ئێستا گشت کارەکانی‌ ئەم کورتە فیلمە کۆتایی پێهاتووە و لە داهاتویەکی نزیک بەشداری‌ ڤیستیڤاڵەکانی دەرەوە و ناوەوەی کوردستانی‌ پێ دەکات، رێکان لە لێدوانێکیدا رایگەیاند:"زۆر دڵخۆشم بەوەی کە گشت کارەکانم کۆتایی پێهێناوە ئەم کورتە فیلمە پێکهاتووە لە 3خوله‌ك‌و 42 چرکە و ستافێکی گەنج توانیان هاوکاری‌ سەرەکی ئەم کارە بن و بە شێوازێکی پرۆڤیشناڵ ئەم کورتە فیلمە بەرهەم بێنن و هیواداریشم ئەم کورتە فیلمە ببێتە پردێک لە نێوان سینەمای کوردی‌و سینەمای‌ وڵاتانی تر".  جێگای‌ ئاماژەپێدانە رێکان ئێستا قوتابی کۆلێژی هونەرەجوانەکانە لە بەشی شانۆ دەرچووی پەیمانگای‌ هونەرەجوانەکانی‌ هەولێرە لەبەشی شانۆ.

زانیاری له‌سه‌ر ماڵپه‌ڕی چراکان  کرته لێره‌بکه