شاخەوان عومەر و کڵاوس مالڤیتس پێکەوە دامەزرێنەری قوتابخانەیەکی نوێی  ئەکتەرانن لەشاری نورنبێرگ. ئەوەی شایەنی باسە حکومەتی فیدرالیی ناوچەی بایەرن پشتگیری لەم پەیمانگایە و خویندکارەکانی دەکات. ماوەی خوێندن لەم پەیمانگایە سێ ساڵەو دابەش دەبێت بەسەر سەما و پەروەردەکردنی ئەکتەر و تێورەی شانۆیی و چەندەها پرۆێکتی دیکە. دیارە بۆ ئێمەی کورد جێگەی خۆشحاڵیە کەئەکتەرێکی گەنج دەرچووی پەیمانگاى هونەرە جوانەکانی سلێمانی، ساڵی نەوەدەکان، ئاوەها لەئەڵمانیا بەردەوام بێت لەکاری شانۆیی و خوێندنی ئەکادیمی شانۆ تەواو بکات. نەک هەر ئەوە، بەڵکو بەشدار بێت لەچەندەها شانۆی گرنگ لەسەر تەختەی شانۆکانی ئەڵمانیا. ئەم ئیرادەیە بۆ شانۆ لەگەنجێکی وەک شاخەوانەوە لەدامەزراندنی ئەم پەیمانگایەدا کەلەئەڵمانیا کەبە(قوتابخانەی ئەکتەر Schauspielschule) ناسراوە، دووریەکی پەروەردەکارانە وەردەگرێت. لەسێپتمبەری ئەم ساڵەوە ئەم پەیمانگای ئەکتەریە دەست بەکارەکانی خۆی دەکات و خویندن تێدا بەزمانی ئەڵمانیە. بۆ زیاتر زانیاری بۆخۆناونوسکردن لەم پەیمانگەیە سەردانی ئەم لینکەی خوارەوە بکەن. 

   www. neue-schauspielschule.de

زانیاری له‌سه‌ر ماڵپه‌ڕی چراکان  کرته لێره‌بکه