وه‌ڵامێ بۆ به‌رێز ئیسماعیل حه‌مه‌ئه‌مین ده‌رباره‌ی وتاری (رۆمانه‌که‌م و گه‌رمیان و کوێستان) | دڵشاد حسێن

دڵشاد حسێن
به‌رێز وتاره‌که‌تم خوێنده‌وه‌ ئه‌وه‌نده‌ی لێتێگه‌یشتم که‌ تۆمه‌تبارم ده‌که‌ی به‌ بردنی بیرۆکه‌ی دوو رۆمانی به‌رێزتان ، به‌رێزت هێشتا نیوه‌ی دراماکه‌ت بینیوه‌و حوکی ئه‌وه‌ ده‌ده‌ی که‌ دراماکه‌ له‌ بیرۆکه‌ی به‌رێزتانه‌وه‌ وه‌رگیراوه‌ ، حه‌ز ئه‌که‌م به‌رێزت ئاگادار بکه‌مه‌وه‌ من بۆ نوسینی ئه‌و درامایه‌ و ده‌قه‌کانی تریشم سودم له‌ زۆر چیرۆک و رۆمان وه‌رگرتووه‌، ته‌نها رۆمانه‌کانی تۆ نه‌بێت چونکه‌ به‌داخه‌وه‌ ئه‌و دوو رۆمانه‌ی باسی ده‌که‌یت نه‌مبینیوه‌، که‌سێکیش بۆی باسنه‌کردووم، ئه‌گه‌ر رۆژێک چیرۆکێک یان رۆمانێکم خوێندبێته‌وه‌ بێگومان چه‌ندی جوانی لا جێهێشتبم ئه‌وه‌نده‌ خه‌یاڵی جوانتر کردووم، دواتر له‌خه‌یاڵمدا کاریگه‌ری خۆی داناوه‌، له‌وانه‌یه‌ هه‌ندێک وێنه‌ی ئه‌و چیرۆک و رۆمانه‌ له‌ ده‌قه‌کانمدا جێگه‌ی خۆی کردبێته‌وه‌. روداو موڵکی که‌س نیه‌ ئه‌کرێت له‌سه‌ر دیلی جه‌نگی عێراق و ئێران چه‌نده‌ها چیرۆک پێش رۆمانه‌که‌ی به‌رێزیشت نوسرابێت به‌ڵام هه‌ریه‌که‌ و به‌خوێندنه‌وه‌یه‌کی جیاواز، یان له‌سه‌ر قوربانیانی ئه‌نفال چه‌نده‌ها چیرۆک و رۆمان نوسرا بێت، هه‌ریه‌ک به‌ شێوه‌و جۆری جیاواز، ناکرێت ئیتر هه‌رکه‌س باسی دیلی جه‌نگی کرد و باسی قوربانیانی ئه‌نفالی کرد ئه‌وا بیرۆکه‌ی من و تۆ بێت، جارێ ئه‌و چه‌ند په‌ره‌گرافه‌ی که‌ نوسیوته‌ که‌ له‌رۆمانه‌که‌تدا هاتووه‌ زۆر دووره‌ له‌ هێڵی درامی و بیرۆکه‌ و خوێندنه‌وه‌ی من له درامای گه‌رمیان و کوێستان. ‌

بۆچوون نووسین

ناردنی ئه‌م بابه‌ته‌ بۆ هاوڕێیه‌ك