پێڵاوهکانی بۆ دادهنێم | حهمهكاكهڕهش
 دهستی ماچ دهکهم پێڵاوهکانی بۆ دادهنێم به خوڵکێکی گهرمهوه گڵاسێ ئاوی ساردی دهدهمێ گوڵاو پرژێنی دهکهم بهخۆم دهڵێم: قوربان ئهمهوێت ئهم شهڕه دوایی بێت ئهم نهگبهتییه بهرۆکم بهردات تهنیام که تهنیا تهواو بێ تاقهتم وا شێتییان کردم ئهم دوودڵییه ئهم دووههستییه ئهم تووڕهبوون و شهڕو پهستییه ئای لهمن چ بێ ئیمانێکم تائێستا نهمتوانیوه خۆم بکوژم خۆم ژیانی تێکدام، سهرهو ژێری کردم ههر پهنجهرهیهکم کردهوه خۆم شکانی ههردهرگایهکم خسته سهرپشت خۆم پێوهیدا من پڕم له پهنجهرهی شکاوو دهرگای داخراو. تهواو ههراسانم به دهستی خۆمهوه ئهوهتا دهستی خۆم ماچدهکهم پێڵاوهکانی بۆ دادهنێم بۆ ئهوهی بڕوات و ملی بشکێنێت و ههمووشتهکانی بهرێت پێی دهڵێم:بڕۆ ئهمهوی تهنیابم هیچ ئاسهوارێکت له لای من جێ مههێڵه نامهوێت ئاغزه جگهرهی هیچ خهمێکت له تهپڵهکی یادگاری مندا بهجێبێڵیت ههر وێنهیهکمان پێکهوه گرتووه لهتهکهی خۆت بهره ئهو گوڵانه بهره که بۆنت پێوهکردوون ئهو کورسییهی که لهسهری دادهنیشیت ئهو دهفرهی ئاوی پێدهخۆیتهوه ههموو شتهکانت بهره قاپ و کهوچک و خاولی و شانهو ئاوێنهو چرپاو کاتژمێرو پهردهی پهنجهرهی ژوورهکهت بهره با رووناکی دڵنیابێ لهوهی تۆ لێرهنیت و بێته ژوورهوه نامهوێت دهنگی رهنگت له گوێما بزرێنگێتهوه نامهوێت رهنگی دهنگت چاوهکانم داپۆشێ مهردی خوابه تهنیام که تهنیا
خۆم واخۆی دهپێچێتهوهو بهجێمدێڵێ جانتای جل و بهرگ و شتهکانی دابهشآنیاو لهدهرگای حهوشه ئاوابوو ئێستا تهنیای تهنیاکانم ماڵهکهم پاک دهکهمهوه ههرچیم ههیه دهیسووتێنم دڵم دهسپێرمهئاگر تاتهنیایم وهک ئاگر بدرهوشێتهوه یهکهم جاره بهتهنیا جگهره دهکێشم بهتهنیا بیردهکهمهوه بهتهنیا دهخۆمهوهو ههر بهتهنیا رادهکشێم، تا به تهنیا خهونێک ببینم به تهنیاییهوه تا خۆم تهواو بیرچێتهوه وا بهتهنیا ڕاکشاوم چاوهکانم داخستووهو دڵم بۆ تهنیایی کردۆتهوه هێشتا خهوم لێنهکهوتووه هێشتا تهنیایم ههرکاڵه هێشتا تهنیایم منداڵه کهسێک له دهرگاکهم دهدا رادهپهڕم خونچهی تهنیایم ههڵدهوهرێ دهرگاکهم دهکهمهوه چی دهبینم !! خۆم وهستاوه باوهشم پێدادهکات دهڵێت: هیچ شوێنێک شک نابهم هیچ کهسێک نامگرێته خۆ یان رێمده بێمه ژوورهوه یان لێرهدا بمکوژه تۆ. 2009-2008  |
| رابةر فاريق
منجهند جاریك "شیعر "ی كاك حهمهم خویندووهتهوه، زۆر ههوڵم داوه جیزیان لی وهربكرم، بهلام نهمتوانیوه، ههلبهته له كنیشم وا نییه كه ههلهیهك لهو شوینهدا ههبیت، كه نازانم كوییه و دهبیت بههۆكار بو جیز وهركرتنم له ههر نووسینیك. كاتیك ئهم "شیع "هم خویندهوه، نهك ههر شادمان نهبووم، بهلكوو بیتاقهتیش بووم، ئهمهیش یهكیكه لهو هوكارانهی كه جاریكیان بینیم یهكیك له خوینهره هیزاكان، توره بوو بوو به جیزوهرنهكرتن، تهنانهت كهییشتبووه ئهوهی بلیت: "كوو به شیعری كوردی ". ههلبهت من وا نالیم، بهلام هینده ههیه بیویسته ریز له خوینهر بكریت، ئهكهر نووسهری باشیش نهبیت. ئهمه بوجوونی منه و ریزیشم بو كاك حهمه ههیه، بهلام ئهو كوكوتوبیزهی له بارهی ئهنفالهوه كردوونی، جوانن و بایهخی خۆیشیان ههیه و دهشمیننهوه. سوباس بو جراكان...
رابهر فاریق
29ی 6ی 2009
rabarfariq@yahoo.com
|
بۆچوون نووسینناردنی ئهم بابهته بۆ هاوڕێیهك
|
          |
|
|
|
|
|
|
|
|
|
 |
 |
 |
 |
 |
 |
 |
 |
 |
 |
داتاشینى دیکتاتۆر |
بێدهنگیو هۆكارهكانی |
ڕووبەری کۆمەڵایەتی |
له رۆمانی "زهنگهكان بۆ كێ لێدهدرێن" ئهرنست ههمنهگوایدا. |
کتێبی بهفر |
شاعیرێ وێنه دهکێشێ |