ئارام کاکەی فەلاح: نووسینه‌وه‌ی فه‌نتازیایه‌کی ڕووتم پێ باش نییه‌ و حه‌زم له‌و تێکستانه‌ نییه‌ که‌ له‌ ده‌ره‌وه‌ی زه‌مه‌ن و ده‌ره‌وه‌ی زمان و ده‌ره‌وه‌ی واقیع و مێژوو ده‌ژین !
لەم دیدارەدا (ئارام کاکەی فەلاح) وەک چیرۆکنووسێک قسە لەسەر ئەزموونی چیرۆکنووسی خۆی دەکات، دواتر بە دیدێکی رەخنەگرانەوە لە قۆناغەکانی رابردووی چیرۆکی کوردی دەڕوانێت و بە جورئەتەوە قسە لەسەر ئەزموونی چیرۆکنووسینی چەند نەوەیەکی جیاوازی چیرۆکی کوردی دەکات، هەر لە (محەمەد مەولود مەم) وە، تا حسێن عارف و شێرزاد حەسەن و عەتای نەهایی، بۆ هەریەک لەم چیرۆکنووسانە دیدێکی رەخنەگرانەی تایبەتی هەیە و بە جورئەتیشەوە بۆچوونەکانی خۆی لەسەر چیرۆک و تەکنیکی ئەوان دەخاتە ڕوو..