زمانەکەیان دەزانم. ئاواره‌یه‌کی ناو ئه‌ورووپایه‌. له‌ پێنج وڵاتدا، به‌ لایه‌نی که‌مه‌وه‌، داوای په‌نابه‌ری کردووه‌. له‌ هیچ یه‌کێک له‌و وڵاتانه‌ وه‌رنه‌گیراوه‌. له‌ هەشت وڵات په‌نجه‌ مۆری هه‌یه‌. ئێستا هیچ وڵاتێک نایگرێته‌خۆو پۆلیسی هه‌ر وڵاتێک دەسگیری بکات ده‌ینیرێته‌وه‌ وڵاتی پێشووتر کە لێوه‌ی هاتووه‌. به‌م شێوه‌یه‌ ١٥ ساڵه‌ وڵاته‌و وڵاتی پێ ده‌کرێت...>>>

به‌‌یانیه‌و هه‌‌ستاوم له‌خه‌‌و.. چۆله‌‌که‌‌یه‌‌ک له‌ناو خۆره‌‌وه‌ دێت و له‌ناکاو خۆی ده‌‌کێشێت به په‌‌نجه‌‌ره‌‌که‌‌دا.. له‌باڵ ده‌که‌‌وێت و به‌‌‌‌شووشه‌‌که‌‌دا به‌شاقووڵی ده‌خلیسکێته‌ سه‌‌ر لێواری ده‌‌ره‌‌وه‌ی په‌‌نجه‌ره‌‌که‌, په‌‌نجه‌‌ره‌‌که‌ ده‌‌که‌مه‌وه‌.. ژاوه‌‌ژاو و هاژه‌‌هاژ و گرمه‌‌گرم و قاوه‌‌قاوو زرمه‌‌زرم و ته‌‌په‌‌ته‌‌پ و ڤڕه‌‌ڤڕ و گڕه‌‌گڕێکی زۆر به‌لێشاو خۆیان ده‌‌که‌‌ن به‌ژووردا..>>>